Një aksident i rëndë është regjistruar mëngjesin e sotëm në aksin rrugor Berat-Dimal, në afërsi të Urës së Moravës. 50-vjeçari Eduart Ismaili një prej dy drejtuesve raportohet se ka humbur jetën në spital, ku ka qenë në kujdesin e mjekëve. Nga ana tjetër drejtuesi tjetër Fransual Plakalli është jashtë rrezikut për jetën.
Rreth orës 07:30, Eduart Ismaili ka qenë duke udhëtuar me mjetin e tij tip Benz A Class dhe është përplasur me një automjet tjetër. Për pasojë, mjeti ka dalë jashtë rrugës dhe ka përfunduar në kanalin në anë të saj.
Përplasja ka qenë e fortë dhe mjeti është shkatërruar totalisht duke bërë që të kërkohet ndërhyrja e forcave zjarrfikëse për të nxjerrë të aksidentuarin nga mjeti.
Eduart Ismaili është transportuar menjëherë drejt Spitalin Rajonal të Beratit për trajtim mjekësor. Ky i fundit ka marrë plagë të rënda dhe është transportuar drejt spitalit, ku ka humbur jetën më pas.
Autoritetet vazhdojnë hetimet për të përcaktuar shkaqet e plota të aksidentit.
