Bashkimi Europian ka prezantuar një aplikacion për të konfirmuar moshën e përdoruesve në internet, duke vendosur standardin për teknologjinë e verifikimit, ndërsa gjithnjë e më shumë vende po shqyrtojnë ligjet që ndalojnë adoleshentët nga mediat sociale.
Presidentja e Komisionit Europian, Ursula von der Leyen theksoi këtë të mërkurë se ky aplikacion është një zgjidhje për të mbrojtur fëmijët.
“Platformat online mund të mbështeten lehtësisht në aplikacionin tonë të verifikimit të moshës, kështu që nuk ka më justifikime, Evropa ofron një zgjidhje falas dhe të lehtë për t’u përdorur që mund të mbrojë fëmijët tanë nga përmbajtja e dëmshme dhe e paligjshme”,-tha Von der Leyen.
Softueri fillimisht u prezantua si një mënyrë për të parandaluar fëmijët nga qasja në përmbajtje të turpshme ose të dëmshme në internet.
Disa nga shtetet anëtare të BE-së, Spanja, Portugalia, Franca dhe Greqia, kanë njoftuar plane për të miratuar masa që ndalojnë adoleshentët nga mediat sociale, duke treguar studime mbi varësinë dhe efektet e dëmshme të faqeve tek të miturit.
Mjeti do t’u kërkojë përdoruesve të tregojnë identifikim ligjor, siç është një pasaportë, gjatë instalimit dhe do të funksionojë në telefona, tableta dhe kompjuterë personalë. Ai gjithashtu do të ndihmojë në koordinimin e kërkesave të verifikimit të moshës në të gjithë BE-në.
