Sikurse pritej votimi i ndryshimeve në qeveri është shoqëruar me tensione në seancën e sotme plenare në Kuvend. Teksa Kreu i Kuvendit Niko Peleshi njoftoi votimin për largimet e ministrave nga qeveria dhe emërimet e reja, deputetët e PD-së kanë bllokuar foltoren me pretendimin se i ishte hequr e drejta e fjalës Sali Berishës, teksa ishte duke folur.
Mes tensioneve, pr.vendimi i parë që u miratua ishte ai për shkarkimin nga detyra të Ballukut. Ky pr.vendim ka marrë 85 vota pro dhe asnjë kundër shkarkimit, ndërsa për shkarkimin e ministrave të tjerë u votua si më poshtë:
Shkarkimi i ministrave
Belinda Balluku – 85 vota
Elisa Spiropali – 83 vota
Pirro Vengu 81 vota
Albana Koçiu 83 vota
Besfort Lamallari 83 vota
Toni Gogu 82 vota
Emërimet
Albana Koçiu zv/kryeministre – 83 vota pro 3 kundër
Ferit Hoxha ministër i Jashtëm – 83 pro 4 kundër
Besfort Lamallari ministër i Brendshëm – 83 vota pro 4 kundër
Ermal Nufi ministër i Mbrojtjes – 83 vota pro 6 kundër
Toni Gogu ministër i Drejtësisë – 83 vota pro 5 kundër
Enea Karakaçi ministër i Infrastrukturës dhe Energjisë – 83 vota pro 6 kundër
Eriona Ismaili ministre e Shtetit për Marrëdhënie me Parlamentin – 82 vota pro 4 kundër
Kujtojmë se pak ditë më parë kryeministri Edi Rama bëri 7 ndryshime në qeveri, ndërsa dje këto ndryshime u dekretuan nga Presidenti Bajram Begaj.
