Një zjarr i përmasave të mëdha ka përfshirë tregun në zonën e Plazhit të Durrësit, në sektorin Iliria.
Flakët kanë përfshirë një sipërfaqe të madhe, ndërsa forcat zjarrfikëse kanë mbërritur në vendngjarje dhe po punojnë për vënien nën kontroll të zjarrit.
Tregu i përfshirë nga zjarri është i ndërtuar me struktura llamarine dhe përbëhet nga mbi 20 dyqane, të cilat funksionojnë kryesisht gjatë sezonit veror. Tregtarët dhe banorët thonë nën zë se zonës i janë ofruar beznesmenë për të ndërtuar pallate.
Nuk raportohet për persona të lënduar. Shkaqet e zjarrit nuk janë ende të qarta, ndërsa grupi hetimor ka nisur punën për zbardhjen e rrethanave të ngjarjes.
