Legjenda argjentinase Lionel Mesi shënoi dje një gol mahnitës nga goditja e lirë për të fituar tre pikët e para për ekipin e tij dhe për të mbajtur gjallë ëndrrat e tyre për të kaluar në raundet eliminatore.
Pas ndeshjes, Messi u pyet nga gazetarët për mendimet e tij për Kristiano Ronaldon dhe rivalitetin e tyre ikonik.
“Kam shumë respekt dhe admirim për Kristiano Ronaldon dhe për karrierën që ai ka pasur dhe vazhdon të ketë. Ai ende garon në nivelin më të lartë. Konkurrenca me të ishte në fushë… Secili prej nesh donte të bënte më të mirën për ekipin tonë. Gjithçka mbeti në fushë. Jashtë fushës, ne jemi dy djem normalë. Nuk jemi miq sepse nuk kalojmë kohë së bashku, por gjithmonë e kemi trajtuar njëri-tjetrin me shumë respekt”, deklaroi ai.
“Pleshti” dhe CR7 kanë pasur një rivalitet legjendar futbollistik për më shumë se 15 vjet, me Leon që ka fituar 8 Topa të Artë dhe Ronaldon që ka fituar pesë.
