Enea Mihajt i përfundon kontrata me Famalikaon në fundin e sezonit. Mihaj bëri mjaft mirë në tre sezone dhe për këtë fitoi shiritin e kapitenit te klubi portugez.
Në Spanjë kanë zbuluar se janë tre klube në ndjekje të 26-vjeçarit. Zhirona, Selta Vigo dhe Rajo Vajekano po monitorojnë situatën e Mihajt.
Mbrojtësi i Famalikaos numëron 19 paraqitje me Kombëtaren e Shqipërisë. Së fundmi u ftua sërish nga Silvinjo, teksa kuqezinjtë do të sfidojnë Anglinë dhe Andorrën.
Nëse do të ketë transferim në Spanjë, do të jetë hera e parë për të. Më parë ka luajtur vetëm në Greqi.
